***

Мичар бенаб тхона ер бала
хlаравар сихлу тахан ала
хало lувшаш доалл са къам
цlех бизаб хий хинна lам.


Хlанад иштта, эшац хетт
ю шоай сонтал наха хьалlетт
керте - Ди, lаьдал дацар
цхьа бакъда , из царна хацар.


Тхол дикагlа нах укх дуне тlа бац
оах лайнар лоадала цаlа вац
тхога эхь-эздел, яхь я, денал
лакхагlа, да кхыча нахах делал.


"Хьал хьайн, фуй из, лай!?
хlаьта,кхыдола къамаьл - вай!"
курал йоал, ког лаьтт ца ловзал
иззал майра цlераца ловзал?


Дина юкъе йоахаш кердал
боадо хорж, дlатотташ сердал
кlерам сийрдагlа хетар беттал
гlулакх гаьнагlа далац меттал


lаьдала болхло, сунната охло
царна мотт, цхьан новкъа бохлу
Дала новкъост веттар, Из цаl вер
уж цхьан хилар тешар - бер



Кхаланах мичаб, цlагlа е ара
мала я сесаг, малав мара?
Хьакарадеча шоашта доал
моллагlа саг цар дlакхоал.



Хlарачунна де гlерташ товр,
имамашта дешашца ловза ховр
лацийта нахага шоай оагlо
кертера дош цар - къаман цхьоагlо.



Мерзача къамаьло,лепача малхо мо
дошийтар дегаш, къандал мо
"оаха мел даьр, боацаш даглоацам"
лоам бешар... лоаца даглоацам.



"Барт бохабе воал, халла этта!"
шун барт ба тайца хетта
дар йиш яц юхь-духьал ала
аьлча сомйоал гоамал, лоталу ала.

(Тембенаькъан Мусай Мухьаммад 15-гlа тов 2018)