ЦIайлапанди ягъай хьтин,
АтIун тийир тIал хьана заз,
Вири сирер ваз ахъайла,
РикI атIудай яр хьана заз.
Гил за вучда, гьарай дуьнья?!
Ярдикай заз хьана душман,
КIанда лана - ширин лугьуз,
Вирибуркай хкяй тир кьван.
Гьинай чидай агъу тирди,
Гъиляй вирт гуз за хвейиди,
РикI чIулав са финдигар тир,
Къван хьиз кIвализ аватайди.
Дувул галаз цуьк акъудай,
Назик зи сес мецел атIай,
Вун чилерай чилериз фий,
Варз я лугьуз са экв тагай !
Прага 2018