***

Денад вай коа доккха хатар
Бац из тlом, дац из латар
Михо, нанас бетта мухь
Лоалахой коашка гlолла кхухь


Йоахар нанас:"даькъаза дезал"
Да вар хетташ: "фуд шоана дезар?"
Да шуга ахча,даар, малар
Хlаьта оаш дехар да тха далар!


"Ког боаккхаргбац lа цlагlара ара
Аз хьайна лахалца вайна юкъера мар
Сихагlа йохийтаргья цунга маьре
Хилале хьох нана йийна маьри!"


Оттае йоал хьо со юхьlаьржа
Ди да сона бийса санна lаьржа!
Укх коа чудийрзад хlанз из у
Топаца хоада-м де из фу!


Йиlий хьал халча отт
Из хlама ца лоалу нана духьъотт
Кхетабеш яц из йиlий мотт
Харца наькъа тlа яьннай мотт


Йодаш яц кхы ловзар долча
Халхаювлаш хьаллангац бух
Йига езий-теш лор волча
Корт чу беле дlай-хьай ух


Хlаьта фуд цу йоlа эшар,
Цун ши бlарг хlана лешар?
Ший lоврат йоалар нахах хьулде
Безам бацар къинош гулде

(Тембенаькъан Мусай Мухьаммад,040319)