Хуькведач рикIел

          
Бирдан рикIихъ галукь авур хинжал хьиз
ЧIуру хабар галукьна зи япарихъ.
Масад туна вуна рикIин деринра,
Зун акъудна гьамишалугъ ракIарихъ.

Заз къайгъу туш, килиг пашман жез тахьуй,
За жуван дерт гьикI ятIани алудда.
Зи муьгьуьбат барбатI авур душман хьиз,
Вунни даим за зи рикIяй акъудда.

Дерт алатда, зун хъижеда саламат.
Вахтар фида, вун зи рикIел хуькведач.
Амма валай заз амукьай аманат,
Рехи хьайи чIарар чIулав хъижедач !