(Эльвина Бибишева ве Эмиль Абдуллаев иджра эткен йыр)
Севги юрегиме яваш къакъты,
Умют онъа къапусыны ачты,
Бахт кобелеги гулюме къонды,
Не олды манъа, айтынъ, не олды?
Сен – меним падишахым,
Сен – унутылмаз йырым,
Санъа фелегимни бахшыш этем,
Сени гонъюлимде сакълап юрем.
Къара ола беяз, къыш исе яз,
Булутлар къача, чечеклер ача,
Берабер олсакъ, бу фаний дюнья
Тек бизлер ичюн аман айлана.
Багълама:
Эбедий экимиз, эбедий севгимиз,
Эм къуванч, эм дертте, эм къара геджеде.
Эбедий севгимиз, эль-эльге юрермиз
энъ узун елларда, энъ сувукъ баарьде
Фуртуна киби омрюме кирдинъ,
Онъа тылсымны алып кетирдинъ,
Ярыкъкъа, шенъге эр кунюм толды,
Не олды манъа, айтынъ, не олды?
Сен – меним къыраличем,
Сен – энъ якъын сейярем,
Санъа юрегимни бахшыш этем,
Сени гонъюлимде сакълап юрем.
Багълама.
Ноябрь 1, 2019 с.