Хоза ди дар, дег чу бlаьсти
Уйлаш гlеттар ткъамаш даьсте
Нийса дlахьажача зизай беш
Цу чу яьлар са хьамсара неш.
Зизай сув хинна дагlар хьармакх
Ер юхеяхача lехаяь цун хозало
Мичара бера ца ховш гучбаьлар сармак
Ткъамаш кагдеш lотоlайир дозало
"Хьармакха таралест со тlера
Укх дунена болчарна тlера
Ер дуне санна lехаме
Тlехьбиссе хул со хьехаме."
Сийрда цlе бlаргсаьнаш дехар
Шийна гlо де ший саг цо лехар
Кхы яргьяц наьха беша,дехар
Фос лаьца сармак вира мо lехар.
Зиза тlа йоалл пхи бордиг
Сихагlа лала говр lояьккхе вординг
Воагlар чарахь ги бела гlирс
Цlимхара батт, бlаргаш бирса.
Детталора ховха дог безаме, мерза
Сино лекхар ашараш, бекар мерз
Шийвар варга сатувсаш зизага хьежар
Тlехьара бордигаца дог гlелденна ежар.
"Даа хlама ше шийца кечлуц,хьасомъяла!"
Бlаргаш хьа а дийле, елалу: " ва са Даьла!"
Тоllадайя цо марlадохкар бераш
Дlахийцача уж дlадахар кхераш.
(111119 Тембенаькъан Мусай Мухьаммад)