-«Вилиз гум фий ви»-лугьудач гъуьлуь заз,
К1валин цуьк яз хуьзвай,гуда гагь за наз,
Рази я зун,валлагь вахар бахтунал,
Хандин паб хьиз,ацукьнава тахтунал!
Бахтикъара хьайи дерт гва зав рушан,
Хва гвайт1ани чук1урнава за хзан,
Аял ч1ехи жеда диде галачиз,
Гьик1 яшамиш хьуй зи руш тахт авачиз?
*****
Шумуд сефер рак,дак1арар хкудна,
Къализ,къуни-къуншиди къвез къакъудна,
—-Квез я ам ви,пияниска, лагьайла,
Гюллер ваха вичин сир заз ахъайна:
-Жегьил свас яз зун пис начагъ хьайила ,
Нарази яз къариди гъуьнт1 гайила,
К1вачер экис тежер захъ гъуьл гелкъвенай,
Кьве вацралай зун сагъ хьана къекъвенай,
Алатнават1ани ц1удралди йисар,
Хзан хуьнин гьатнават1ан хиве пар,
Итимдилай туш зун зерре нарази,
Тахсиркар я,вах,а зегьримар ички!
*****
Кьве хва,итим,амай хзан
Туна катна са свас жаван:
-Шегьерэгьли хьун я мурад,
Мийир садан заз дад-бидад!
Фена вахтар,сусан диде
Агьузардик гьатна месе,
Жагъанач гъил рушан пелел,
Кьейилани кьилихъ са шел.
Рухваяр къе,кьегьал кьве хва,
Хвена бубад,адан папа,
Уьмуьр рехъ я куьруь,яргъи,
Гьалтин,белки,"диде" хайи!
*****
Югъди-йифди телефондал ацукьна,
К1анивилин «т1ал» жавандихъ галукьна,
-Фланд катна,хуьревайди ванер я,
Ц1еридсавай руш жагъайбур серсер я.
Дад-бидадна рушаз к1вализ эхверна,
-Велед я ман,уьзуьагъ хьуй!-мехъерна,
Галаз-галаз кьве хциз экв багъишна,
Са пуд(йи)салай а руша вич асмишна.
*****
Муьжуьд мартдин суварин югъ алатна,
Жузунариз зун папарив агатна:
-Вуч пишкешна ваз ви ярди, Адикъат?
Чин ч1уру я, лагь хьайи кар, гьакъикъат!
-Чара авач, ахъайда за жуван дерт,
Мез себеб яз, амукьнат1а, вах гьик1 перт:
Агъзур манат даим пишкеш тир гъуьлуьн,
Темягькар зун, авунай вучиз луьк1уьн:
-Кьве яру чар, итим , ая заз багъиш,
Япагьанар фадлай авунвач дегиш.
Ингье, пака суварин югъ алукьна,
Вил алаз зун и яргъи югъ ацукьна,
Ярубур гьич, къацу чарни ахкунач,
Вахар, гъуьлуь къенфет кьванни къачунач!
-Афият,ви чиник вучиз ква серин,
Авачирни суварин юкъуз Ширин?
Зи т1алабун акъатна кьилиз йисан,
-Шириналай авач багьа захъ инсан,
8 мартдиз гъана гьаятдиз херхем,
Ам чук1урай, галат хьанва зун бегьем!
Шагьнабат чаз дамахдивди килигна,
Хъвер сивелаз эхтилатдал илигна:
Зун «Там Там»-диз тухвана,вах,зи гъуьлуь,
Хкведайла торт къачуна, чан Гьуьруь!
Амай уьмуьр хуьда хатур Алмасан
Лугьузвай заз, зи азизди,зи масан!