(притча)
Безам лел юрт-юкъе баьнна,
Тарле моттиг лохаш.
Миччахь цхьанахь, араваьнна
Саг хилар дог доахаш.
Соц цхьан коа-наIарга хьалха,
Чубос, коа-ниI йийле:
Зув, чуийнна боахкаш балха
ЦIагIархой. «Ой! - аьле,
Арабод цу коара сихха,
НиI юха тIакъайле. –
Акхарна-м со эшац, алхха
Хьабе болх шой хуле».
Тикан чу бос безам тIаккха:
«Укх чу эцар воале,
Аьттув хур со маьхал баккха,
Ийцар воале а бале».
Гу шеддар цун долаш маьхе,
Массадар – ший метте.
Юха арахьад, дог дехе,
Болалу дегI саттий.
Базар-юкъе боал цул тIехьа:
«Укхаза-м сай мах бе
Корор моллагI сехьа, дехьа…», –
Уйла йолаш керте.
Бакъда, вац укхунца мах товш
Базархойех цхьаккха –
Шоашта пайда хилар ба ловш
Вахар атта даккха.
Цигга, цIаьхха уйла ессе,
Соцам бу цо тIаккха,
Е нах шоашца Iадда бите,
Хьунгахьа гIа баккха.
«Шортта аькха ма дий хьунагI,
ГIорб со цунга маьре…», –
Догдоахалг ца йойташ цунах,
ДIаув, хьунчу баьле.
27.02.20.