ГIалгIайче таръю аз аьрзена –
Шерра ткъамаш дIадахта,
Го боахаш сийнача дунена,
Лелаш долча, хьалгIатта.
ГIалгIайче таръю аз лаьчана –
Корта кура хьалъайбаь,
Доал деш долча лоаман арена,
Накха турах тарабаь.
ГIалгIа лоалахча ваьрано*
Тараволийт маккхала**,
Хургйолаш ший долча фуно
Из цIи йоаккхаш доаккхала.
Аьрзи – ГIалгIайчена тарам***.
Лаьча – ГIалгIайчена куст****.
Маккхал – ГIалгIайчена толам…
Дерригаш а – гIалгIай фост*****.
02.03.20.
-------------------
*Ваьр (гIалгI.) – род (рус.), в данном случае метафора «лоалахча ваьран;», говорящая о соседнем народе.
**Маккхал (гIалгI.) – гриф (рус.).
***Тарам (гIалгI.) – символ, эмблема (рус.).
****Куст (гIалгI.) – облик, также и внешний символ (рус.).
*****Фост (гIалгI.) – также символ, отметина, метка.