Жува жув хуьх! – ван къвезва чаз-
Мердимазар хьаначни цаз!
Мукъаят хьухь-гъил вугумир!
Мензил авач - гаф лугьумир.
Кьве гьафтеда мугьман къведач,
Гьайиф, вавайни физ жедач...
Им вуч кар я кьунвайди чаз,
Корона (а) лай вирусди чаз?
Ирид гьуьлуьн кlаниз фирай!
Къе аматlа -пака кьирай!
Чиляй чилериз аватуй
Начагъдакай фад хкатуй!
Дарих тежен чун, чан дустар,
Тахьуй саданни рикl гьич тlар.
Ша, булахдал мукьвал-мукьвал,
Са хабар це, гьик1 ят1а гьал;…
Сагъвал гурай квез виридаз.
Жегьилдазни ва кьуьзуьдаз
Фад и йикъар алатрай,
Корона-вирус хкатрай
Гьахъ атlана ша, мад лугьун:
Ик1 гьамиша жедач хьи чун,
Рак агална, кьуд цал акваз...
Кlватl хъижеда чун - хуш рахаз...