(«Миллет» телеканалы ичюн язылгъан йыр)
Уйледен сонъ ашыкъмай турам,
къавечик чокътан къайнай.
«Эвде къал» хештег иле энди
бар тембеллигим къутрай.
Багълама:
Корона, корона вирус
Ай, мараз! мараз! къайдан да кельдинъ?!
Корона, корона вирус
дели, делирем олса керек мен!
Эки къатлы эвнинъ ерине
бешинджисини къурам.
Терек, кумес, къойнынъ янында
янъы селфилер япам.
Багълама.
Кебаблар ялмап юткъан сонъра
кене де юкълап алам.
Бу мараз даа бир ай олса,
домузгъа мен ошайджам!
Багълама.
Апрель 10, 2020 с.