Думка хваляй пяшчотнай
Успамін абудзіла
Аб матулечцы роднай,
Што жыццё падарыла.
Светлы вобраз прыгожы
Зберагаю ля сэрца.
Дзён сівых падарожжы -
Напамінам завецца.
Па сцяжынках гуляюць
Гаманлівыя сведкі,
І зіхцяць, і лунаюць
Успаміны, бы кветкі.
Думкі ходзяць ля печы,
На чарэнь запаўзаюць,
Хусткай лягуць на плечы,
Песню суму спяваюць.
Колькі розных малюнкаў
Радасць з жалям яднаюць?!
Рысы дзіўных карункаў
Маё сэрца кранаюць.
20.12.2020