(Каьзера дай гIала дагалаьца)
Чухаьрцай са даьша етта гIала.
МоастагIчо из къиза йохаяьй.
Хиннаб цунах дай дегашта бала.
ТIехьенаша-м тасса из йитай.
Хьеж цун юхьиг, йисача мо болла,
Тесса вита къоано волаш мо,
Боацаш цхьанне цунца вIалла бала –
Иштта хул-кха кхийча тIехье во.
Лаьттай кура, хозаеш ший зама,
Лоаман чIоже фийла лораяьй…
Бакъда, тахан дисадац цох хIама –
Кхо ца еш, из хано IоляьIай.
ГIайгIа ю цо ехача ший хана.
Инза санна, дахар юха луст.
Фуд цох хила, дахача из Iана,
Даьсса хилча хьалха хинна куст?
Лел со тахан, уйла михьар яьнна,
Дайха йиса гIала аз йитай.
Дуне дуаш ва со, хIараз ваьнна,
Ца ховш, цунах хьанна, фу йисай.
--------
Иштта хул-кха, тиша кхийча техье,
Даьшца бола лерхIам эшабеш,
Доацаш хилча цунна цхьаккха маьхе,
Рузкъа мара, – цунах воаккхий веш.
Цунах хьалъеш хилча шийна гIала,
Фуха ваьннар, кхесса, йиц а еш,
Боацаш хилча цунна вIалла бала,
Вахарах из хилча кхоачам беш.
Теш со, юха оттаргья дай гIала,
Хьалха санна, лоаме хозаеш.
Моттиг яц са цунах вада, вала...
Тоалургва со, даьшта товр а деш.
11-13.02.17.