Кьибил лъик|аб гъвет| лъик|аб бижулин
Лъик|аб гъот|оца пихъ гьуинаб кьолин
Кьибил к|одолъани гьеб щулалъулин
Щулияб гъвет| гьороца шапун унарин.
Мун нижер Дагъистан ч|ух|изабураб
Лъик|аб кьолбодаса бижараб цо гъвет|
Т|олго дунялалда г|алам г|орц|изе
Бищунго гьуинаб пихъ кьураб г|аркьел.
Дур бицани къиса хъван лъуг|иляро
Лъуг|ел гьеч|еб дур ирс нахъа бук|аго
Киг|ан ц|аланиги к|ал свакаларо
Свак щибали лъач|ел гьал дур шиг|раби.
Дунял свераниги къокъа бихинч|ел
Кирго ц|ар раг|арал хъах|ал къункъраби
Хъах|илаб зодисан руго гьанжеги
Нижеда хадур халккун ралагьун.
Щибаб т|аде г|ун бач|унеб г|елалъ
Дур тарихалъул ц|ар рехсезе буго
Хунзахъ районалъул Ц|ада росулъа
Росуги Улкаги ч|ух|арав шаг|ир.
На родном аварском языке о Великом поэте Расул Гамзатов.