Къуръан 23: 99-100 (мана): «Абурукай садав кьиникь агатайла, ада
лугьуда: «Я Рабби, зун элкъуьрна рахкур.
Белки (гила) зун хъсан крар ийиз эгечIин…».
…Бес я, я кас, аси гафар рахамир,
Сад Аллагьди вун хабарсуз явашда.
Ваз гунагьрай жаза тагуз аквамир,
Хажалатди са юкъуз вун кармашда .
…Вилери руьгь рекье турла цаварихъ,
«Уьмуьр» лугьур ахварай вун аватда.
Вил галамаз кIвалерихъни-йикъарихъ,
Гунагькар руьгь бедендивай къакъатда.
Чир хьайила батIул уьмуьр тухвайди,
На лугьуда: «Фенач зун дуьз рекьеваз…»,
Вун тушрни ягьанатиз рахайди -
Физвайдакай Пайгъамбардин (къуй Аллагьдин патай салават ва саламар хьурай вичиз) гелеваз?!.
Гьайиф чIугваз, ви вилера кьеж жеда,
«Зун рахкур…» луз на Халикьдиз эверда.
Хийир авач, а вахтунда геж жеда:
Уьмуьр гузва Аллагьди са сеферда.