Вельмі я люблю натхнёна
Беларускія імёны.
Вось Валодзя - уладар!
Выступае, быццам цар.
Сцепаніда і Сцяпан -
Здагадайцеся, хто пан?
Станіслава, Стана, Стася
У бацькоў уся удалася.
Важны постаццю Ілля,
Ён заўважны нам здаля.
Макарэй, Макар, Макрана
Устаюць заўсёды рана.
Антаніне, Тосі, Ніне
Уласціва дысцыпліна.
Ўладзь, Уладзік, Уладзіслаў -
Пра яго не скажаш сцісла.
А малыя Анатолі
Ходзяць так заўжды паволі!
Ядзя, Ядзечка, Ядзвіга
Так выразна, быццам кніга.
Ігар, Юрый і Ягорый
Маюць надта шмат гісторый!
Што імя - то павучанне,
Мае змест яго гучанне,
Сэнсы большасці імён
Вывучаць да скону дзён!