Иллешкахь доьху вай: « Ма елха,Нана»,
Хьан меха дуьнен чохь хумма дац бохуш,
Амма вай Наношкахь лаьтта и бала,
Шай сих схьабойлачех бовларна кхоьруш.
1уьйренна ламаз т1ехь до1нашца боьхуш,
Аллах1е б1аьрхишца 1алаш бар доьхуш,
Йаанза - маланза набаро 1ехош,
Г1ан хилла шай к1енти бисарна кхоьру.
Декьала хила хьо, х1ай Нохчи Нана,
Цхьа эзар бахьна ду хьо езаш лара,
Т1ом беъча,хьай букъ т1ехь рицкъа а лохуш,
Ца гайтар къоман ахь мацаллийн г1ала.
Маржа я1,х1ай сийлахь, турпала Нана,
Собаре йуьлу хьо,ларъеш вай кхане,
Иллешкахь дехарх вай,ма елха бохуш,
Балано ца хоьтту, гулъелча мархаш.
02.10.2022г.