Зун чандикай бизарнава, жафакар яр бизар жечни,
Цавар кана зи агьдилай, зи мурадрихъ цIаяр жечни?
Алахъда яр чара ийиз, кIанидан гьар начагъвилиз,
Вучиз гузвач зазни дарман, начагъдахъ бес азар жечни?
Чуьнуьхарна за дерт жуван, тахьуй лугьуз ярдиз аян,
Чидач чIалахъ жедатIа захъ, лагьайтIа гаф- чIалар жечни?
Йиф акъатна, такваз бухах, накъварикай хьана булах ,
Зи цIурди халкь къарагъарда, зи бахтуна сувар жечни?
Алахьзава акъудиз гел, вилерилай ивидин сел,
КIаниди, бес гатфарихъди, рагъул хьанвай ятар жечни?
КIанзавачир заз вун икьван, вун зи кьилиз гьахьна яман,
Къехуьндайди, вун акурла, регъуьвиляй тармар жечни?
Физули я канавайди, элда русвагь хьанавайди,
Жузуз им вуч кIанивал я, ашкъидикай бизар жечни?