Са диде рехъ физвай кlула шелеваз,
Кlвачер гагь татаб жез, гагь дуьз хъжезвай.
Уьмуьрдин гъамарин бириш пелеваз,
Шеле, ам ялиз кlанз чилиз, гуж къвезвай.
Са цlекlврез ухшар тир яргъал мензилдай,
Са кьилни кьве шуькуь кlвач тир аквазвайд.
Аватиз кичlела, саки къизил я,
Кьве гъилив шеледин епинкай кьазвай.
Гъвечlи камаралди рехъ физвай вичин,
Куьтягь хьун чизвачир амма хьи рекьиз.
Са яргъал сефердиз хьанвайд хьиз кlвачин,
Давамиз тир диде, кlус тади квачиз.
Тушир рекье чара садни авачиз,
Де садни агатна гуз тушир куьмек.
Виридаз чизвайди тир кьабулдачирд -
Къаридиз вичин пар ялиз кlан тир тек...
Залан тушир адаз кlулавай шеле,
Дидедин рикlевай асул залан пар.
Гьар сад са эвледдин бириш тир пеле,
Ам къулав тек туна, цикlей цlарбацlар...
11.04 2023