Тек са инсандиз ава чlал, хьана ам шад, рахадай,
Гьикlа ам чlал ганачиртlа, дади - бидад, рахадай?
Са акьулдив рахадайди ваз акурла чка яз,
Шадвиляй ви рикlе гатфар хъуьреда, гад рахада.
Буш рахунрал рикl алайбурни тlимил туш, акуна,
Абурун сив рапунив цуз, къеневай рад рахада.
Декlена гьахъ рахадайбур пара жен, гаф за лугьуч -
Де ша гьахъсуз гафарихъ гъил хкажиз, къад рахада.
Гьахъ лугьудай чкадал вишди сивиз яд къачуда,
Чугъулариз хьайила, гьар са пипlяй вад рахада.
Гьич вичин кьве вилевай гирдим аквач, де чарадан
Кьуьчуькай са хкатай чlарчlи ийиз пад, рахада.
Лугьуда зани пара хьи хъийидач гаф, рахадач -
Аквада ихтилатар, чlурда къарар, мад рахада.
Цава рагъ инкар ийиз жезни, авач ам ана луз -
Кичlе тушни лугьуз ам: " куьн мичlе за твад", - рахада?
23.04.2023