"Фаданлай авай зун ц1ай галачиз куз..."
Т.Оруджева-Керимова.
Виридаз жавабар вун гуз алахъмир,
Вагьшийрин дердинай жув куз алахъмир.
Хъаст мийир на жуваз масадан хъиляй.
Мукъаятвал,килиг,вегьимир гъиляй.
Кхьизвай бикеяр пара авай туш,
Ви къайгъу тавунихъ чара авай туш.
Жизвидлай кьуна ц1ай хьайит1а кармаш,
Мад гьинай жеда чаз са маса Тераш ?!
Къе авай пек -партал кьелеч1 жунаяр,
К1анзавайди са ц1ай кьадай багьна я.
Акъат тавун патал чандиз ифинар,
Къайи яд хъваз ая на жув секинар.
Рик1елай алудмир вун лезги тирди,
Пиралдин дагъларин са цуьк атирдин.
Девирдин нукьсанар тушт1ани ваз хуш,
Уяхвал квадармир, жува жув хуьх, руш!