Тахьурай

 
Вичин ч1урахар , дувулар , тарих,
Чин тийирди чи чилел тахьурай.

Руьгьдин ивиррин къайгъу тежезвай,
 Ч1ехи касар чи кьилел тахьурай.

Лезги кьуьл течиз, япалух хьанвай,
Лезгидин айиб пелел тахьурай.

Дагъви  межлисдиз  кутуг  тавунвай
Чуьнуьхай мугъам рик1ел тахьурай.

Са чангу бес я чаз кьве сим алай,
Куьчери саз чи гъилел тахьурай.

Жуванбур аваз, кьабулай ч1алаз,
Ягъийрин гафар мецел тахьурай.

Манидар билбил багъдай чукурна,
Керекул таран хилел тахьурай.

Ам хап1адик  хьуй т1яам артухиз ,
Сейфудин, кьел ви хирел тахьурай !