«Сулейман ашукь я»,-лугьузвай мецер,
Лугьумир,куьн гьахъ туш, язва куьн бат1ул.
Рик1 дарих хьайила рахурдай симер,
Шаирдик Генжеда акатнай а т1ул.
Ширин сес авачир, тушир ам ашукь,
Уст1арни тушир ам ядай чуьнгуьрар.
Шитвилер к1андачир межлисриз талукь,
Устад тир хуралай к1елдай шиирар.
Манияр лугьудай к1вале Айнадиз.
Къецерал лагьай туш нубат алачиз.
Сад чида, к1елайди, фейла Москвадиз,
Шиирар ч1ун галаз, чуьнгуьр галачиз !