Атамы акъылы, анамы сабыры менде болсала-
Халисиз терсакъыл болмазма;
Атамы тюзлюгю, анамы сёзлюгю меннге къалсала-
Джашау джолумда абынмазма.
Атамы сыйын, болса да къыйын
Кёлтюрюб кюрешсем-
Мени сыйым да мийикде олтурур,
Анамы намысын дунияны барысы
Джыйылыб юлешсе-
Хар инсан да къабчыгъын толтурур.
Атамы билеги, анамы тилеги -
Хар заман меннге тутурукъ,
Юретиб адетни, кёргюзюб адебни,
Ёсдюрюб, китабны тутдуруб.
"Умарны къызы"- деселе-
Башым Чолпаннга тийгенча,
"Лизагъа ушагъан"- деселе-
Кёлюм Байкалдан теренча.
Къан бла кирген- чыгъар джан бла-
Ким да энине тарта
Иги, аман болсанг да-
Айтылыр ана-ата.