***

Къериб Гьуьсейнован дидедиз хьайи югъ я къе...

Къе са шаир атай югъ я дуьньядал,
Къе шерик я и шад юкъуз чун адан.
Вич са ади муаллим я, рикl михьи,
Де шаир я - хиял чlехи,  руьгь шуькуь!
А къалай хьи лезги дидед хана ам -
Илгьамдин къуш кьилел алаз хьана ам.
Шиир кхьиз агатайла къелемдив,
Ам хуьз хъжеч трактордив, я келдив.
Булахдин сив кlевиз жезни пешерив?
Вуч ида кьван шагьвард вилик гьешери?
Дагъларин хва, булахрикай мая кьур,
Гьамга яд хьиз шиирривди ацlай хур.
Вилин нине хьтин хуьзвай дидед чlал -
Яраб ихьтин рухваярни ама жал?!
Теснифзава хайи дагълар, Къебеле,
Ам чи хва я, ам кхьенва чи пелез.
Ам чlуруд туш, ам къенидлай къени я,
Чlалан рекъе вирт эцигдай куьнуь я.
Дидед - бубад чlехи унва михьи, саф,
Дидед чlалал лугьузава вичин " ГАФ".
"Кьуьзуь хьана", - лугьуз кхьиз ава ам,
Кьуьзуь хьункай, шаир, мийир вуна гъам.
Ви шиирар жегьилвилин лишан я,
Яшаринни гьар са чlавар хъсан я.
Асул ам я, уьмуьр гьалин кутугдай,
Амай куьлуь - шуьлуь вуна муьтlуьгъда.
Ви жегьилвал ви шиирра гьатнава,
Куьзуьвилер вакай кичlез, катнава.
Акъваз мийир, кхьихь, чlура, гилитlа,
Чунни къвазна яргъал, шад яз килигда!..
25.02.2024