Па папярэдніх падліках колькасць грамадзян,
якія аддалі свой голас за трэцці срок А. Лукашэнкі,
састаўляе 82 адсоткі...
Твае дзеці глядзяць на цябе
І цябе не бачаць
Бо зрэнкі іх – чорная поўня
Ўзышла і мігціць
Заплюшчыла сінія вочы
Іх ціхая маці
А на белым саване –
Чырванню – стужка крыві
Жыві!
Праз тонкую скуру расткі
Чарнабыл прбіў
Карэнне ўрастала хутка
Нібы саркома
На ўласных далонях узважылі
Колькі болю ў слове “баліць”
Колькі металу ў голасе пані Стомы
Знаёма...
Што зведаў ты больш храбрага
Чым усмешка збялелых вуснаў
Якіх нябачна амаль на бяскроўным твары
Я бачыла беларусаў,
Якія некуды йшлі
А яна ў той час лебяду
Разбаўляла марай –
Ўся страва.
Я ведаю, што гісторыя
Зноў гатуе бізун
Для тых, хто ня помніць
Як іх бізуном вучылі
Яна ўсміхалася ветла
Ня памятаючы крыўд
Над ёю блакіт і банальныя
Белыя крылы
Млына...