Як бяроза з калiнай
У красе паўстаюць,
Беларусь i Ўкраiна
Поплеч песнi пяюць.
Ёсць журба ў нашых песнях,
Як i радасць, адна.
Лёс агульны не песцiў
Нас – сцiскала вайна.
Толькi дзякаваць Богу,
Што нам долю паслаў:
Нас адна Перамога
Абдымала пасля...
Да Шаўчэнкi Купала
Шле аблокаў лiсты,
Каб у Лету не ўпалi
Нашай дружбы масты...
Сiмвал лучнасцi вечнай
Бачыць сонца ў Дняпры...
- Вас вiтаемо, друзi!
- Прывiтанне, сябры!