Са о чери калилас, чергая э Рат кидас
Лас лэ са андэй бурник, ай щудас пэй кавар рич
Вон лынэ ратяки зор, рисписаайлэ Сар лэ пор
Анава са парудэ, ай анда пэс трушул кэрдэ.
Дэвлалэ!
Бэшлас о Кхам ай щиндёл муро Ило
Мэ лэ калэ Ратянца чи совав
Пхандадо вудар, э састра пэ фэлястра
Э калы брига, лэ кэркэ асва.
О фало баруно, штарэ ричандар
О траё ай э лума накхадас
О щунуто бандилас линдратар
Муро Ило шимай кикидас.
Припев:
Мэ мангав лэ Дэвлэс ай Сунто Марья
Мэк дэл о Дэл, дэл о Дэл тэ скиписайвав
Щёрден лэ асва, бригатар пал якха Хасайлэм.
Вэш мэзыйпэ кэ бригий, вай кам варисо гиндый
Лэскэ лунгэ кранжёра, бандён тала балваля,
Фэри кон кхотэ траий, шоха кханчи чи пурий
Со камэн кодо кэрэн, кон траий ай кон мэрэл.
Дэвлалэ!
Сунто Дэвла тэ скипий май сыго
Кэ кхатэ ащёл муро шеро,
Ай муро баро о драго ныпо
Хала кино би муро баро.
Припев.