Мэ дыкхлэм чоро суно, шоха чи бистрав
Дэ дурал андо Ило, дас э Дар, сэрав
Са хуклэ пэ мандэ, жян тэ мударэн.
Кодола касс андо траё хохадэм.
Са нангэ, шукар жювля, глажунэ якха
Лэ вастэнца жян пэ ма, ан дэл Бал шинга
Пхандэн ма ланцонца, кае Як цирдэ
Сас атунчи мангэ ворта жи кхатэ.
Лэн тумэ, Ромалэ, сама англа Дэл.
Саконэско траё Вов опрал дыкхэл
На мэкэн тэ барон калэ пэндэха
Кэ пэрэн пэ лэндэ лэскэ бэзэха.
Фэри ёквар са дыкхав, Дэвла хав те Вас
Товэрэса са щинграв, круял Рат хай Мас.
Жян кэ пэско гласо Мэ чи пинжярдэм
Ай па тхан, сар о дыло, опрэ хуклэм.
Шунэн тумэ, Ромалэ, кон патял Дэвлэс
Кон сар шай траияс, пущла саконэс
Миндык дэту гиндо, Сар ай со кэрэс
Ай о Дэл парнярла тукэ тирэ Дес!