Чумидас! Залысардис ма
Нандилас, атучи лас ма,
Ай кхотар пэлас пэ мури кор.
О Бэзэх вой чи лэл сама,
Авиласас, лаки врама
Ласла э камаимаски зор.
Сывараки, сывараки
Э лащи пафида лаки
Андай Москва эк тэрны жювли (жянав ла)
Бахталы эк щей ла Даки
Экцэрица балваляки
Жял пэскэ тэ наёл по паи.
Сывараки, сывараки
Мусай са тавэл пэ лаки
Сар парамичаки чирикли (Ай, Дэвла)
Жювлянэс сывара пэлас
Тхай тхув о локхэс мэкэлас
Са лэ мурш тэлэ дэн па годи.
Мэ дэкхлал ла, милис сас
Пала мандэ, сама лэлас
Касави шукар, барии Раи
Сар э май лащи Чёркиня
Щёл эк пасо, краяскиня
Ви мэ хасардэм мури годи.
Сывараки, сывараки
Круял э щавэ са лакэй
Содэ сы Илэ, са ппхабардас (Ай, Дэвла)
Краяскиня ла ратяки
Сы ла зор, бари лошаки
Кодо ласа ви манн биндярдас.
Сывараки, сывараки
Лэ Дэвлэстари якхаки
Лако Дэл Бистэрдас (Ай, Дэвла)
Коды щей ла балваляки
Бахталой, кон авла лако
Май шукар пэй лума, латар нас.
Дес най шоха ла ратяса
Бут наштык инкравма ласа
Най дылы вой, па кодо жянэл
Жявтар ёкор дэтэхара
Лав, кэрав лащи сывара
Ай жипун лэщий ла, лако Дэл.