РАЙСКІ САД
Паламала бура жыта.
Што мы будзем жаць?
Суламіта, Суламіта,
Дзе цябе шукаць?
Ты мяне не прычакала.
Высахла ад слёз.
Тая бура паламала
І хлябы і лёс.
Ані каліва на полі.
Пацярухі пыл.
А заместа шчаснай долі
Тонкі чарнабыл.
На знявечаных парэштках
Вочы васількоў.
На ўцалелых цудам кветках
Не раса, а кроў.
Мне заменіць скібку хлеба
Мілы твой пагляд,
У якім відаць праз неба
Белы райскі сад...