Адам ду со,Адамах схьадаьлла,
Дуьне,Эхарт деза хилла хьакъ,
Жимчохь дуьйна ойла акхаяьлла,
Довзалулш долу дерриг Бакъ!
* * *
Я Рабби,доьху ас къинт1еравала,
Дуьнен т1е ялар а хетарна бала,
Х1илланех-хьаьг1нех ша дуьззина долчу,
Цкъа-цкъа цуо х1оттайо со ч1ог1а холчу!
* * *
Дахар-и малар ду,
Кхийрачу вайн
дег1ан кхаби чу доьттина.
Ткъа валар –г1арол ду
1ожаллин 1айгаца
И чаг1ар д1амала х1оттийна.
*** *** ***
Къоналла-лаамийн кема,
Дахаран х1орда т1ехь лела.
Ца хилахь лаамийн эла.
Г1ур дац и хи-кема гена.