Со йитийша

Со йитийша

 Шаьш  со  парг1ат  йоккху  аьлла,
 Суна  маршо ло  шаьш  аьлла,
 Маршонах  со хераяьккхи,
 Дуьненна хьалха  1ораяьккхи.
                Ца оьшур-кха,
                Ца  оьшур-кха.


 Реза яра-кх  йийсар хила,
 Сайн  Адамах  йозуш  хила,
 Къуръан  довззал  1илма  хиъча,
 Доьзал кхиъол хьекъал  хилча ,
                Тоьур  дара-кх,
                Тоьур дара-кх.
               

 Со геналле  хьоьжу  боху,
 Со  уьншаре  кхийда  боху,
 Уьншарера г1иллакх дезча,
 Азаллера 1адат   эшча,
   Сан бехк буй  ткъа?
 Сан  бехк  буй  ткъа?   


 П1ендарх Дала йина  хилча,
 Адамах со йоьзна  хилча,
 Цунах Эхарт дозуш   хилча,
 И доцург  дуьне  ца хилча.
                Со йитийша,
                Со йитийша..


               

                1430-2009(Муххьарам-Январь)
               
                Журнал  "Орга"№3, 2011