Мегар дара на чеченском

 
Цхьа тамехь там бижна хьан некхан уьн тIе, 
Ши бIаьрг бу хьажийна шайтIанан бIаьра.
Лаамах лаьхьа бан хьуо говза хилча,
Мегаш дерг магийта мегар ма дара.

Куьг коча лестадеш, цкъоцкъамаш ловзош,
Мегар дара, со воьхуш, цкъа акхаяла…
Хьайн дашо и корта аркъала сеттош,
Цкъа соьца дуьненна къинтIераяла.

Суьйренаш йицъяла седарчий дара,
Со хьоьца вицвала хьан ши бIаьрг бара.
Синхаъман сий далла, хьуо хьоме хилча,
Мегаш дерг магийта мегар ма дара.