СО ВОЛЧЧОХЬ…
Цхьаъ-цхьалха хьуо йисча, хьайн шерийн сонехь,
Суьйренан йозалло логашад лаьцна...
Сох тешна цхьа ойла тIам шера йиснехь,
Хьоь тийса са долчу –
Со волччу йола!
Хилладерг — хилла ду — цамоьттург хилла,
И сийна стигланаш бахьанех йозу.
ГIад-амал карчале лааман тхишла,
Хьуо хьеста суй болчу –
Со волччохь хала!
Массара лоьху ирс хьо лехна яьлча,
Массо а кхочучу гIайгIане кхаьчча...
Дуткъделла са дахьаш схьайола сихха:
Хьайх хета къа долчу –
Со волччохь елха!
Оьмаран терахьаш жамIашна къарлуш,
Даг тIера дужур ду бIаьстенан зезаг...
Дегаза дахаран бIаьра ца хьоьжуш –
Хьуо декъалъян луъчу –
Со волччохь яха!