*** *** *** *** ***
Адам ду со, Адамах схьадаьлла,
Дуьне,Эхарт деза хилла хьакъ.
Жимчохь дуьйна ойла акхаяьлла,
Довза лууш долу дерриг Бакъ!
*** *** *** *** ***
Я Рабби,доьху ас къинт1еравала,
Дуьнен т1е ялар а хетарна б пала,
Х1илланех-хьаьг1нех ша дуьззина долчу,
Цкъа-цкъа цуо са ч1ог1а х1оттадо холчу!
*** *** *** *** *** ***
Не1 тухий ца дог1у дика, я вон
Оьмаро 1амаво дерриге лан,
Шен ларца зуламо мел буьту муо
Х1унда ца туьгу те дагт1ера бан?
*** *** *** *** *** ***
*** *** *** *** *** ***
Къоналла-лаамийн кема,
Дахаран х1орда т1ехь лела.
Ца хилахь лаамийн эла,
Г1ур дац и хи-кема гена.
*** *** *** *** ***
Лакхене массо а г1ерта,
Хиларна и ц1ена, сирла,
Цхьа бакъду, кхачале берте,
Диц ма де и хилар шийла.
*** *** *** *** ***
Цкъ-цкъа дог карадой деса,
Ойланца ас доьшу Еса,
Ткъа цуо и дагт1ера есалла,
Эккхайо ,дог хьостуш эсала.
*** *** *** *** ***
Х1ара зама -кегаелла, чалхе,
Дика Вонах ца къастало МУР,
Валлай,шайн ницкъ хилча 1еса наха,
Малх а оьцур бара ,къовлуш нур...
*** *** *** *** ***