Атанай вун зи уьмуьрдиз, ахвар хьиз,
Чимивал гвай, са гатфарин шагьвар хьиз.
Дегишарай зи ацакьун-къарагъун.
Белки тиртIа им кьисметдин са къугъун?
Секинвал заз гьич гузамач хиялри,
Акъваз туна гьа чалзава суалри,
Лугьуз, чандик кутазва са къайивал -
Белки гьа икI хъсан ятIа хьайивал?
Белкини я са бахтавар вун гила,
Хьаначни вун пашман ашкъи кьейила?
Шумуд йисуз хтаначни рикIел зун,
Тушни бегем а йикъарихъ цIигел вун?
Белки завай чирна вуна чинеба
Дердер чIугун, хъуьруьр тийиз эл-уба?
Я тахьайтIа къван жезватIа рикIикай,
Тафават туш ни къунватIа гъиликай?
Амма чир хьухь, чара жедач кIанивал
Чандивай зи, тандивай зи рекьирдал.
Уьмуьрда за ругьда даим хер аваз,
Акьван к1ани а вилерихъ вил галаз…