***

Чаму не кувала
   ў садочку зязюля?
Таму, што пайшла
   ў іншы свет ты, матуля...
Пустэльняй зрабілася
   наша кватэра,
Цяпер прыжыліся тут
  смутак і вера...
     САМОТА
Мая маці...
        у Рандоўцы
моцна спіць ля бору...
Дзе знайсці мне
        тыя слоўцы,
Каб забыць пра гора?
Дзе знайсці тую
        крыніцу,
Каб размыць
        слязіны?
П'ю салёную
        вадзіцу
ў горкія хвіліны...
 ВЯСНОЙ
Цвітуць сады
ў каторы раз,
сусвет і людзі
зноў з'яднаны.
пялёсткі кружаць
вальс для нас,
Загояць боль
і нашы раны...