Из шийла шар шурадаьтта лийса,
Гайдолгашта кlала, вай комсаш сийса.
Къахь лаьтта ахка, ший доалах дувлаш,
Ткъовзткъара йаьнна ниl тешшаме къувлаш.
Бетто ший шод цу морхашта йетташ,
Акхабийрзача дыно урха кайетташ.
Даьш йетта гlалаш гlишлонхой сийле,
Тlемхочун бlы , къонахчун кlийле .
Йоархlаш кхувргйоацача lиндагlа йута оаш,
Тархьара йоазув деш тешийла увтта тоаш .
Цу аьрзий фево лувкхера бебабеш,
Из дохк сомадувлача улла са фаьра беш.
Из шийла шар шурадаьтта лийса,
Ткъовронашта кlала, цlе тоачош сийса.
Йис тувса lа, ший доалах дувлаш,
Ткъовзткъара йаьнна ниl тешшаме къувлаш.
Гlермане, 14. Аьтинга бетта 2012 шу