Селлара къе вахар хьо, ва,
Миска жlали хинна дlа хlана отта?
Ма кlордадаьд сона, хьа писал ла,
Тоаяь мича йоал из хьа ворда .
Селлара во сайре хьо, ва,
Къиза lуйре хинна дlа хlана отта?
Ма кlордадаьд сона, хьа кхоане ла,
Сайса мича боал из хьа форд а .
Селлара даькъаза денош шо, ва,
Бийсаш хинна дегаза хlана увтта?
Ма кlордадаьд сона, шун боадо ла,
Сийндийя эгийта оаш борд а .
Селлара гаьннара гуйре хьо, ва,
Мургlаста даьре хlана дувха тlа.
Ма кlордадаьд сона, хьа дорхал ла,
Хаоттам хьувз нийслуш гlорда .
Селлара къе вахар хьо, ва,
Миска жlали хинна дlа хlана отта?
Ма кlордадаьд сона, хьа писал ла,
Тоаяь мича йоал из хьа ворда.
Гlермане, 31. Мангала бетта 2012 шу