стихи на белорусском языке
Я дзякую табе, Гасподзь мой шчыры,
За ўсё, што добрае ў жыцці даваў,
І літасцевы быў, і справядлівы,
Лягчэйшую дарогу мне шукаў.
Я дзякую за ранак і змярканне,
За сонечныя промні і дажджы,
За першае і моцнае каханне,
Што ў сэрцы мне пакінула сляды…
Я дзякую табе за смех дзіцячы -
Паклон табе мой нізкі да зямлі…
Нічога б не хацела перайначыць,
Каб толькі родныя мае са мной былі!..