Ингье мад йиф вун авачир,
Гьа накьанан югъ хьиз я ам -
Амукьайди са тIалар тир…
Мад чIугадач за ви дерт-гъам!
ЧидатIа ваз, гьикI я четин,
Акваз-акваз вун гъиляй фин...
Белки, ятIа им са ахвар?
Акъвазарна ихтилатар
Верци-верци, вирт хьтин,
Туна зун тек, мадни хъфин?
Акатдачни бес вахъ ифин?
Лагь, жедани и кар эхин?
Къарагъдачни тIалар кьилин?!
Лугьумир заз, давам хъийин…
Накъварикай хьайтIани сел,
Хиялардач мад за вакай!
Ашкъиди гьакI турай са гел
Элухъарна рикIевай цIай!
02.10.10