Es, Irina, mea lux,
Candida et clara,
Es, amica, mea crux,
Alea amara.
Te spectare laetus sum
Alta sub laterna,
Vinum degustamus dum
Bona in taberna.
Pietatem meam scis:
Gustum tui oris
Valde amo, amo bis -
Cogitationes.
Est e melle tua vox -
Factum cor e ligno:
Die tecum sum, sed nox
Tua est aenigma.
Spem da mihi, da mi nunc,
Pulchra et amata!
...Ira legit versum hunc,
Ira est irata.
Gravis est amandi ars,
Via indirecta!
Meae vitae magna pars
Tibi est objecta.