Пәйгамбәрнеӊ күӊеленә иӊгән изге Китап,
Бар мөселман сине укыр сулавыннан туктап.
Шундый кабатланмас, сихри синдәге "Әлиф.Ләм.Мим"
Сине укып, тәэсирләнеп, камиллегеӊә шәһадәт –
Бөек шагыйрьләр башын иделәр һәм һаман ияләр рәт-рәт:
Күтәрелми каләмнәре, килмәс булды илһам…ләм-мим...
Никадәрем кадерледер һәрбер иманлы йөрәккә
Синеӊ ачкычыӊ – тиӊсез, күркәм "Фатиха",
Әле дә яӊгрый һәркөн, һәр намазда, һәр догада
Шуннан да гүзәлрәк булырмы Аллаһка нида?!
Бер-берсеннән матур синеӊ сүрәләреӊ!
Карий укый: саф могҗиза – зиннәтле аятьләр,
Әйтерсеӊ лә, ачыла алдыӊда танылмаган серләр…
"Нинди бөек Мөәллифе!" – шул мизгелдә туган бар фикерләр...