Йеза со йахаш, lа ма лейе,
Поацолгаш ма кхахьа хьа.
Са дог хьестадеш, ма теде,
Эшац хабар даьсса хьа.
Хьайех баьри дото хеташ,
Куро хьежаш тlа, ма лел.
Йац со lовдал, я дика кхеташ,
Хийра мел вола, хьа ма вел.
Сай дог долаш, йа со зlамсаг,
lехайе, ма гlерта со.
Йа со эздий тайпан кхалсаг,
Мискачарех, ва хьона хьо.
Хьожаргйац со корах ара,
Гlоттаргйац, набарах йаьнн.
Эшац бийса бетта къаьра,
Аз-м безам лелийта гаьна.
Дезац поацалгаш хьа ноажа,
Хьо а везац сона, дlагlо.
Дега чу кхийнаб седкъа моажа
Дац хьа де сона цхьаккха гlо.
Йеза со йахаш, lа ма лейе,
Поацолгаш ма кхахьа хьа.
Са дог хьестадеш, ма теде,
Гаьннара безам бац со хьа.
Гlермане, 26. Нажгамсхой бетта 2013 шу