Сакавік – гэта месяц,
калі уначы
Над тваёю самотай
вісяць крумкачы.
Сакавік – гэта месяц,
калі кавалер
Дэманструе галантнасць
класічных манер.
Сакавік – гэта месяц,
калі ў шкаляра
Рыфма з рытмам і сябруюць –
нібы ў песняра.
Сакавік – гэта месяц,
калі па кватэры
Дзяжураць надзея,
каханне і вера.
Сакавік – гэта месяц,
калі цэлы дзень
Ты праменьчыкі сонца
збіраеш у жмень.
Сакавік – гэта месяц,
калі на карэце
Мы гатовы за шчасцем
імчаць па планеце.
Сакавік – гэта месяц,
калі сэрцаў такт
Рэагуе
на цёплых далоняў кантакт.
Сакавік – гэта месяц,
калі на змярканні
Асабліва чакаеш
з пяшчотай спаткання.
Сакавік – гэта месяц,
калі зоркі ў небе,
Па вялікім разліку,
ужо не патрэбны,
Бо яны зіхацяць
прама ў вашых вачах.
Сакавік –
гэта месяц кахання!
Так?
– Так!
12.03.2009–08.03.2023