Бахъсэныжь къуейщIейщ къиуам,
Уэшх зэу къолыб,
Хьэрэкхъуэрэ и дыгъафIэр,
НапIэзыпIэм иубыдынт!
Хъуауэ илъэс мин ар апхуэдэщ,
Бгым йозауэ, еугъуэн,
ЗэхищIыхьхэм иримыкъуу,
***йщ хишыну нэгъуэщI гъуэгу.
А ерум срещхьыркъабзэу,
Сэри мы дунейм сытетщ,
ЦIыхухэм псоми ягъэщIагъуэр,
Псэуэ тIу сэ сIутщ!
Жьы пхэнж куэдрэ сэ къысхуопщэ,
АрщхьэкIэ сыхуимыуд,
Си Iур гъущIэу щIидзэм,
ИугъащIэ Бахъсэныжь!
Къызэдыркъыу хъуар къиздзамэ,
Лъэуэ сиIэр дыркъуэ хъуат,
Я нэхъ лейр сэ къыслъысамэ,
ЦIыху сещIыжыр Бахъсэныжь!
Гущэхэпхэ схуащIын ипэ,
Сэ абыкIэ сагъэпскIат,
Си гущэпсхэр быдэ хъуну,
КърихьэлIахэм хъуэхъу жаIат.
Ар ямыщIэу си жагъуэгъухэм,
Махуэ къэскIэ зыкъызапщыт.
Ар хьэл мыгъуэу тхэлъщ адыгэм,
Тхьэм хэкIыпIэ дэ къыдит.
Бахъсэныжь и ущэ макъыр,
Дунейм тет зыгъэувыIэн,
ЛIы ирокъур къыспэувыр,
Хэтуи ирехъу естынщ удын!
22.10.2009 г.