«Къацу хьанва, аку кьуд пад,
Жезвачни бес гуьгьуьл ви шад?
Алатнава чIурарал ни,
Уях хьанва чIижрен куьнуь,
Беневшади кьил хкажна
Килигзава вил агажна,
Хурам тушни акур вилер,
КIурукIзавай тарцин хилер?
Яхъ вуна, ша, гъиле къелем,
Къвезвачни ваз гатфарин тIем?» -
Лугьумир на, лугьумир заз ,
Кхьихь шиир Яракай чаз!
Жедани гьич иервал нуш,
Зи руьгьдикай ваз хабар туш?
Гъамарикай хьанвай кIватIал,
Дерт квахьзавай стIал-стIал,
Хабар туш къен атIуникай?!
Зи илгьамдин хана лувар,
Вучда за икI атуникай,
Яр галачиз Яран сувар?!