Сэ ар сщIэжынут, абы щыгъуэ сыпсэуатэм!
Топышэ къэуам и макъыр зи тхьэкIумэм имыкIахэм,
ПцIы яупсынукъым, илъэс мин цIыху гъащIэу къагъэщIам.
Ноби, а гуауэшхуэр къыщыхъуа щIыналъэм,
Ирахыр пунэлат, топышэ угъурсызыр,
Жэм шхалъэм ар кIуэуэ дэмыхуатэм,
Зенэб нысащIэу Iуувэнутэкъым IэнатIэ мыгъуэ,
Куэдым ещхьу фызабэ ар щыхъуам.
Зеиншэу къэна бынхэм, уващ яхуэхъуну анэ,
Сталиным имыщIэу бзу къэралым щымылъатэм,
Мэзкуу нэс жыжьэт, укIуэну чэнджэщакIуэ.
Гуащэмрэ тхьэмадэмрэ ямыхьау къуажэкхъэм,
Зэхэуэр зэтеувыIэм, къыхуэкIуэрт цIыхухэр щхьэкIуэ.
Адыгэ нысэм дунейр къыпэувами,
ЗыхэкIа лъэпкъым и напэр иIыгъынут.
Щомахуэхэ къахэкIа бзылъхугъэхэм,
Бахъсэн аузым щIэупщIэшхуэ щаIэт.
Зауэм кIуа щхьэгъусэм, имыIэнуми къэгъазэ,
Къыдалъхуахэр пIын ***й хъуат,
ЩэныфIэхэу иувэхукIэ балъигъыпIэ,
Пщыпхъухэм я насыпым елIэлIэнур хэтт,
Пщыкъуэхэр «фызабэкъуэ» псалъэм гуауэми – къелынт.
ЦIыхухэр дыджщ, псынщIэу дзы къыпфIащу,
Зенэб щIалэу жыжьэ плъэн ***й хъуат,
Сэр нэхъ къуейщIей и лъахэ имыхьами.
Ар нэщхъкIэ сэ къызэуэуэ щытакъым,
Ауэ тэмакъкIыхьт «Ямамэ» и шыпхъу Нэб,
Къэзылъхуа я адэ-анэр а тIум ягъэгъуэщакъым!