АкI тахьуй ваз, дердинилай кьурада,
Зун ви наз гун, алцурунар авачиз.
Лугьумир, вун эхиз жедач, цIрада:
Шем кудани ашкъидин нав галачиз?
Заз чуьллера биябан тир, сефил хьиз,
Хиялармир, аман гудач къумари.
Ван къада зи, кIакI ханавай кифил хьиз,
Туьхъвенавай къулан мичIи гумари.
Лугьумир на, аквазва вун цIигел хьиз,
АкI тахьуй ваз, гьелек я зун рекье ви,
Гардан кIирдач, кIвачелла зун эвел хьиз,
АватIани ашкъидин чIух рикIе зи...